суббота, 22 октября 2016 г.

საშვილოსნოს მილების გაუვალობა

ქალების უნაყოფობის ძირითადი მიზეზია. წყვილების 30-40% არ ყავთ შვილი უშუალოდ საშვილოსნოს მილების გაუვალობის გამო. მსგავსი პათოლოგია ვითარდება მცირე მენჯის ღრუს ორგანოების მწვავე და ქრონიკული ანთებითი დაავადებების შედეგად, აგრეთვე მცირე მენჯის და მუცლის ღრუს ორგანოებზე ჩატარებული ოპერაციების გამო. ასხვავებენ საშვილოსნოს მილების სრულ და ნაწილობრივ გაუვალობას. დაავადება მიმდინარეობს უსიმპტომოდ და დიაგნოსტირდება გამოკვლევის შედეგად და ხშირად განაპირობებს საშვილოსნოსგარე ორსულობას.იხ. სტატია სრულად: http://www.medgeo.net/2016/10/14/sasvilosnos-milebis-gauvaloba/



воскресенье, 9 октября 2016 г.

რა სჭირდება ორსულს?

ფეხმძიმობა უმნიშვნელოვანესი პერიოდია ქალის ცხოვრებაში. ამ დროს ის ყურადღებით ეპყრობა თითოეულ დეტალს, კვებას, დღის რეჟიმს და რა თქმა უნდა ჩაცმულობას. გთავაზობთ იმ ნივთების ჩამონათვალს, რომელიც შეიძლება დასჭირდეს ფეხმძიმე ქალს.



 

пятница, 26 августа 2016 г.

ორსულობის 40-ე კვირა

რა თქმა უნდა, ძნელია იმის თქმა, რა წონა ექნება შენს პატარას დაბადებისას. ამ დროს ბავშვები, საშუალოდ, 3,4-3,5 კილოგრამს იწონიან-ხოლმე. სიგრძით 50 სანტიმეტრს არ აღემატებიან. თუმცა, ეს პარამეტრები მაინც ინდივიდუალურია. არცთუ იშვიათად, ახალშობილის მონაცემები ზემოთ ნახსენებს აღემატება. თავის ქალის ძვლები ჯერ მყიფე აქვთ, რაც დაბადებისას ძალიან ეხმარებათ: სამშობიარო არხში გამოსვლისას თავის ქალის დიამეტრი მცირდება. მართალია, ზოგჯერ წაგრძელებული, კვერცხის ფორმის თავით იბადებიან და უცხოპლანეტელებსაც კი წააგვანან, მაგრამ ეს ხარვეზი სწრაფად გამოსწორდება-ხოლმე. >>>>
იხ. სტატია სრულად: http://www.medgeo.net/2010/11/04/pregnancy-33/


ორსულობის 39-ე კვირა

შენი პირმშო მოუთმენლად ელის ახალ სამყაროსთან შეხვედრის მომენტს. ორსულობის 39-ე (ოცდამეცხრამეტე) კვირასაც ინტენსიურად განაგრძობს კანქვეშა ცხიმის დაგროვებას. როდესაც დაიბადება, სწორედ ცხიმის ფენა უნდა დაეხმაროს თერმორეგულაციაში. იგი ამჟამად 3,2 კილოგრამს იწონის. სიგრძეში კი 48 სანტიმეტრია.
ორსულობის 39-ე (ოცდამეცხრამეტე) კვირას მისი ჩამოყალიბების პროცესი პრაქტიკულად მთლიანად დასრულებულია. ფუნქციური სისტემები გაძლიერებულ რეჟიმში ემზადებიან საშვილოსნოს გარეთ ცხოვრების ადაპტაციისთვის. ზოგი ორგანო და სისტემა უკვე ასრულებს თავის სპეციფიკურ ფუნქციებს. სრულ მზადყოფნაშია საჭმლის მომნელებელი ტრაქტი, ჩამოყალიბებულია ნაწლავები და სუსტად, მაგრამ მაინც ასრულებს პერისტალტურ მოძრაობებს. უკვე ფუნქციონირებს კუჭის ჯირკვლები; კუჭქვეშა ჯირკვლის სტრუქტურები ფორმირებულია და მზადაა, საჭმლის მომნელებელ პროცესში ჩაერთოს. საჭმლის მომნელებელი სისტემის შიდა ნაწილი აბსოლუტურად სტერილურია. >>>>
იხ. სტატია სრულად: http://www.medgeo.net/2010/11/04/pregnancy-32/


ორსულობის 38-ე კვირა

ორსულობის 38-ე (ოცდამეტვრამეტე) კვირას შენმა მემკვიდრემ თითქმის უკვე დაამთავრა ჩამოყალიბება. ახლა იგი ყოველდღე 28-30 გრამს იმატებს. 3,1 კილოგრამს იწონის. 47 სანტიმეტრამდეა გაზრდილი. უკვე ძალაც აქვს ხელში, რაშიც მაშინვე დარწმუნდები, როდესაც პირველად აიყვან ხელში და თავის პაწაწინა თითებს მოგიჭერს.
იხ. სტატია სრულად: http://www.medgeo.net/2010/11/04/pregnancy-31/


ორსულობის 37-ე კვირა

ორსულობის 37-ე (ოცდამეჩვიდმეტე) კვირას შენი ბავშვი უკვე ზრდადასრულებულად ითვლება. იცი ეს რას ნიშნავს? - უცბად მშობიარობა რომ დაგეწყოს, ექიმები ამ პროცესს მწვანე შუქს აუნთებენ: ბავშვს ფილტვები უკვე ჩამოყალიბებული აქვს საიმისოდ, რომ დედის მუცლიდან გამოსვლისას დამოუკიდებლად ამოისუნთქოს. აბა, უკან მიიხედე - რამდენი ღელვა, სიხარული და აღმოჩენა მოგიტანა გასულმა 8 თვემ. აი, პატარა უკვე შენთან უშუალო შეხვედრის ზღვარზე დგას! იგი ამ ეტაპზე უკვე 2,95 კილოგრამს იწონის. მისი სიგრძე 47 სანტიმეტრს აღწევს, ანუ ყოველ მომდევნო კვირას 1 სანტიმეტრით იმატებს.
საინტერესოა, რომ ხშირად ახალშობილებს თმის სიჭარბე ახასიათებთ, რომლის სიგრძე ნახევარი სანტიმეტრიდან 4 სანტიმეტრამდე მერყეობს. არ გაგიკვირდეს, თუ შენი შვილის თმის ფერი შენსას ან მეუღლის თმის ფერს არ ემსგავსება. არცთუ იშვიათად, იმ წყვილს, რომელთაც ღია ფერის თმა აქვთ, ყავისფერთმიანი შვილი უჩნდებათ, ანდა - პირიქით. ასევეა თვალების ფერიც, რომელიც თმის ფერივით დროთა განმავლობაში იცვლება-ხოლმე. >>>>
იხ. სტატია სრულად: http://www.medgeo.net/2010/11/04/pregnancy-30/


ორსულობის 36-ე კვირა

ორსულობის 36-ე (ოცდამეთექვსმეტე) კვირას ბავშვი 46 სანტიმეტრამდეა გაზრდილი. მართალია, კლასიკური გაგებით, იგი 2,7 კილოგრამს უნდა იწონიდეს, მაგრამ სინამდვილეში წონის მაჩვენებელი მერყეობს (ეს დამოკიდებულია არა მარტო მემკვიდრეობით, არამედ სხვა ფაქტორებზეც). რაც მთავარია, ამ ეტაპზე პრაქტიკულად იგი უკვე ითვლება მუცელში ზრდადასრულებულ ნაყოფად. შესაბამისად, ის ბავშვები, რომლებიც ორსულობის 37-ე და 42-ე კვირებს შორის პერიოდში იბადებიან, ზრდადასრულებულად ითვლებიან. ხოლო 37-ე კვირამდე დაბადებული ბავშვი დღენაკლია. ასევე კლასიკური გაგებით, ამ დროისთვის ნაყოფის მდებარეობა ხასიათდება, როგორც თავის წინამდებარეობა, ანუ მისი თავი დაბლა, საშოსკენ არის მიმართული და მზად არის დაბადებისთვის. >>>>
იხ. სტატია სრულად: http://www.medgeo.net/2010/11/04/pregnancy-29/